Digital resources in the Social Sciences and Humanities OpenEdition Our platforms OpenEdition Books OpenEdition Journals Hypotheses Calenda Libraries OpenEdition Freemium Follow us

Mes: marzo 2025

Juan Echanove, Xefe do dereito á alimentación da FAO visita Compostela

Juan Echanove Echanove, visitou Compostela o 13 de marzo de 2025 para participar na Xornada A Praza de Abastos e o dereito á alimentación en Compostela.

No marco desta Xornada puido coñecer a Praza de Abastos de Compostela, acompañado polo concelleiro encargado do Mercado de Abastos, Xan Duro, por Valeria Pasarín, membro tamén do equipo do dereito á alimentación da FAO, por Ruth Varela e pola xerente do mercado, Marta Rey.

A continuación, participou nunha recepción institucional no Concello de Santiago de Compostela, acompañado por Valeria Pasarín, membro tamén do equipo do dereito á alimentación da FAO e por Ruth Varela, sendo recibido pola Alcaldesa Goretti Sanmartín Rei, o concelleiro encargado do Mercado de Abastos, Xan Duro, e os membros da corporación municipal, Gonzalo Muíños Sánchez e Olaya Otero Sanjurjo.

Deixamos aquí algunhas imaxes da visita á Praza de Abastos:

Fotografía Pablo Carreño

Deixamos aquí algunhas imaxes da recepción institucional no Concello de Santiago de Compostela

Fotografía Pablo Carreño

Nota de financiación:

A participación nesta Xornada, por parte da investigadora Ruth Varela, foi posible grazas ao apoio da axuda Juan de la Cierva, JDC2022-048799-I, do Ministerio de Ciencia e Innovación (MCIN)/ Agencia Estatal de Investigación (AEI)/ 10.13039/501100011033/ e pola Unión Europea “NextGenerationEU”/ ”PRTR”.

Xornada A Praza de Abastos e o dereito á alimentación en Compostela

Maña, 13 de marzo de 2025, ás 18:30 h., terá lugar na Casa das Máquinas de Compostela unha Xornada que leva por título A Praza de Abastos e o dereito á alimentación en Compostela, na que os investigadores David Soto (USC) e Ruth Varela (UDC) presentarán publicamente o Informe sobre o papel da Praza de Abastos de Santiago de Compostela como centro de alimentación de proximidade. Esta presentación contará cun debate aberto cos praceiros e praceiras do Mercado de Abastos de Santiago.

A continuación haberá un Faladoiro sobre o dereito á alimentación e a gobernanza alimentaria no que contaremos coa participación de Xan Duro, concelleiro de Mobilidade, Convivencia e Centros socioculturais do Concello de Santiago de Compostela; David Soto, profesor da Universidade de Santiago de Compostela, vinculado ao CISPAC; Amparo Novo, profesora da USC e membro do Observatorio del derecho a la alimentación en España, ODA-E; Juan Soriano de Entrelampo; Conchi Docampo; e Rocío García Carregal de Slow Food Compostela. E posterior discusión aberta ao público e moderada por Ruth Varela, do grupo GICAP da UDC.

Coa participación de Juan Echanove, Xefe do Equipo do Dereito á Alimentación da FAO.

Coa participación da alcaldesa de Santiago de Compostela Goretti Sanmartín Rei que fará a apertura institucional.

Coa presenza de Valeria Pasarín, membro do equipo do Dereito á Alimentación da FAO.

Coa presenza do Director do CISPAC, Lourenzo Fernández Prieto.

  • GICAP, Grupo de Investigación en Composición Arquitectónica e Patrimonio da Escola Técnica Superior de Arquitectura da Universidade da Coruña.
  • Casa das Máquinas, rúa Galeras, Santiago de Compostela
  • FAO: Organización de las Naciones Unidas para la Alimentación y la Agricultura

Cartel da Xornada. Fotografía cedida por Pablo Carreño.

Deixamos aquí algunhas imaxes da Xornada A Praza de Abastos e o dereito á alimentación en Compostela

Fotografía Pablo Carreño

Nota de financiación:

A participación nesta Xornada foi posible grazas ao apoio da axuda Juan de la Cierva, JDC2022-048799-I, do Ministerio de Ciencia e Innovación (MCIN)/ Agencia Estatal de Investigación (AEI)/ 10.13039/501100011033/ e pola Unión Europea “NextGenerationEU”/ ”PRTR”.